November 17, 2026

YANZU-YANZU: Majalisar Dokoki Ta Amince Ganduje Ya Ciyo Bashin Naira Biliyan 10

0

Majalisar dokokin jihar Kano, ta amincewa gwamna Dakta Abdullahi Umar Ganduje ya ciyo bashin naira biliyan goma.

Freedom Radio ta rawaito cewa za a yi amfani da kuɗaɗen da za a ciyo bashin ne wajen sanya na’urorin kyamarorin tsaro, wacce a ka fi sani da CCTV domin kyautata tsaro a jihar.

Amincewar ciyo bashin ta biyo bayan wasiƙar da gwamnan ya aikewa majalisar wadda shugabanta Injiniya Hamisu Ibrahim Chidari ya karanta a zaman majalisar na ranar Laraba.

Ta cikin wasiƙar gwamna Ganduje ya ce, za a sanya na’urorin ne la’akari da barazanar tsaro da jihar ke fuskanta a ƴan kwanakinnan.

Wakilin Freedom Radio a majalisar ya ruwaito cewa, bayan tattauna batun ne tare da bada shawarwari ƴan majalisar suka amince a ciyo bashin.

About The Author

Leave a Reply

Your email address will not be published. Required fields are marked *