Gwamnatin Kano Ta Gayyaci Ganduje Kan Bidiyon Cin Hanci.
Yayin da Ganduje yake gwamna, an naɗi hoton bidiyonshi yana karbar daloli daga hannun wani dan kwangila tare da zubawa a cikin rigarshi.
Hukumar amsar korafe-korafen jama’a da yaki da cin hanci da rashawa ta jihar Kano (PCACC) ta ce ta gayyaci tsohon gwamna Abdullahi Ganduje da ya gurfana a gabanta bisa zargin faifan bidiyo na cin hancin dala.
Yayin da Ganduje yake gwamna, an naɗi hoton bidiyonshi yana karbar daloli daga hannun wani dan kwangila tare da zubawa a cikin rigarshi.
Shugaban hukumar Muhuyi Rimingado ne ya tabbatar da sammacin ga manema labarai a Kano ranar Alhamis.
Rimingado ya ce hukumar na sa ran Ganduje ya gurfana gaban ta a mako mai zuwa domin samun damar wanke kansa akan binciken da ake yi.
“Na sanya hannu a takardar gayyatarsa domin yi masa tambayoyi a hukumar a mako mai zuwa, saboda haka doka ta ce, kuma za mu ba shi dama ya kare kansa, kamar yadda majiyar Popular News Hausa ta Premium times ta bayyana.
